Azərbaycan, Bakı, 13 avqust /Trend, müxbir Ə.Həsənov/
2011-ci ilin iyun ayında Azərbaycan banklarının depozit bazası 1,8 faiz, 2011-ci ilin iyunu ilə müqayisədə isə 19,4 faiz azalıb. Bu barədə Azərbaycan Mərkəzi Bankının (AMB) bazar ertəsi yaydığı məlumatda deyilir.
İyunun 1-nə olan məlumata görə, bank depozitlərinin, hüquqi və fiziki şəxslərin əmanətlərinin ümumi həcmi iyunun əvvəlinə olan 9884,5 milyon manata nisbətdə 9704,3 milyon manat, 2011-ci il iyunun əvvəlinə nisbətdə isə 8126,8 milyon manat təşkil edib.
Ümumi həcmin 4501,7 milyon manatı manat vəsaitinin payına, 5202,5 milyon manatı isə xarici valyutanın payına düşüb.
İyun ayı ərzində fiziki şəxslərin əmanətləri 0,7 faiz, hüquqi şəxslərin depozitlərinin həcmi isə 3,8 faiz artıb. 2011-ci ilin iyun ayı ilə müqayisədə fərdi müştərilərin depozitləri 26,7 faiz, korporativ müştərilərin depozitləri isə 14 faiz artıb.
İyulun əvvəlinə fiziki şəxslərin ölkənin banklarındakı əmanətlərinin həcmi iyunun əvvəlindəki 4341,7 milyon manata nisbətdə 4372,6 milyon manat, 2011-ci il iyulun biri ilə müqayisədə 3451,4 təşkil edib.
İyulun əvvəlinə hüquqi şəxslərin depozitlərinin həcmi 5331,7 milyon manat təşkil edib. Bu göstərici iyunun əvvəlinə 5542,8 milyon manat, 2011-ci il iyulun 1-nə isə 4675,3 milyon manat olub.
