Azərbaycanın sığorta şirkəti kapitalını 30 faizdən çox artırmağı planlaşdırır
Azərbaycan, Bakı, 3 sentyabr /Trend, müxbir A.Axundov/
"Azərbaycan Sənaye Sığorta" sığorta şirkəti 2013-cü ilin əvvəlində nizamnamə kapitalını artırmağı planlaşdırır. Bu barədə bazar ertəsi Trend-ə şirkətin idarə heyəti sədrinin müavini İntiqam Seyfulla bildirib.
"İlin sonuna bir-iki milyon manat səviyyəsində mənfəət əldə edəcəyimizi gözləyirik. Bu, kapitalın artırılmasına yönəldilə bilər", - Seyfulla deyib.
2011-ci ildə şirkət kapitalını 4,8 milyon manatdan altı milyon manata artırmışdı.
"Azərbaycan Sənaye Sığorta" 1996-cı ilin dekabrında "Azərbaycan Sənaye Bankı" tərəfindən təsis olunub və "Azersun Holding"in tərkibinə daxildir. 2010-cu ildə bank öz səhmlərinin yarısını Azərbaycanın "Anadolu Investments" şirkətinə satıb.
