Azərbaycan, Bakı, 1 oktyabr /Trend, müxbir C.Nəsibova/
İslam İnkişaf Bankı (İİB) bankın Azərbaycanda layihələri və fəaliyyəti üzrə toplanmış məlumat əsasında ölkəyə dair hesabat hazırlayacaq. Bu barədə bazar ertəsi Trend-ə İİB-in Bakı ofisindən bildiriblər.
İİB-nin mütəxəssislərinin Azərbaycana səfəri çərçivəsində ölkədə bankın layihələri üzrə icraçı agentlikləri arasında yazılı sorğu keçirilib. Sorğunun nəticələri hesabatın hazırlanması üçün təhlil ediləcək.
İİB-in belə tədbirləri təkcə Azərbaycanda deyil, həm də digər ölkələrdə keçirilir. Burada məqsəd bankın fəaliyyətinin qiymətləndirilməsidir.
