Azərbaycan, Bakı, 8 oktyabr /Trend/
XVIII Azərbaycan Beynəlxalq "Telekommunikasiya və informasiya texnologiyaları" ("BakuTel-2012") sərgisi 2012-ci il noyabrın 6-dan 9-dək Bakı şəhərində keçiriləcək.
"Iteca Caspian" şirkətindən bazar ertəsi Trend-ə verilən məlumata görə, "BakuTel-2012" sərgisinin platin sponsoru xüsusi yarımşəffaf nişanlar vasitəsilə qorunan poliqrafiya sənayesinin liderlərindən biri olan "EDAPS" konsorsiumudur (www.EDAPS.com).
"Beynəlxalq "BakuTel" sərgisinin tərəfdaşları arasında məşhur "EDAPS" konsorsiumunun da olması bizi sevindirir. Sərgidə bu cür fəal iştirak sayəsində "EDAPS" konsorsiumu Azərbaycan bazarına çıxmaq və öz həmkarları ilə ünsiyyət qurmaq üçün gözəl imkan əldə etmiş olacaq", - "Iteca Caspian" şirkətinin direktoru Fərid Məmmədov bildirib.
"EDAPS" konsorsiumunun prezidenti İrina Obıdenko isə öz növbəsində bunları deyib: "Bizim "BakuTel" sərgisində iştirakımızın əsas məqsədi İT məhsullarını və xidmətlərini nümayiş etdirməkdir. "EDAPS" konsorsiumunun bu tədbirdə iştirakı Azərbaycanda xüsusi yarımşəffaf nişanlar vasitəsilə qorunan müasir poliqrafiya sənayesinin yaradılmasını təmin edən layihələrin inkişafı baxımından mükəmməl başlanğıc olacaq. Azərbaycanda öz nümayəndəliyini açmış konsorsium innovasiyalı texnologiyaların tətbiqi sayəsində dövlətin həyata keçirdiyi ən mühüm sosial və iqtisadi proqramların gələcək inkişafına imkan yaradacaq".
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
