Azərbaycan, Bakı, 30 oktyabr /Trend, müxbir İ.Xəlilova/
Azərbaycanla Avropa İttifaqı (Aİ) arasında viza sazişi üzrə növbəti görüş noyabrın 6-7-də Bakıda keçiriləcək. Bu barədə çərşənbə axşamı Trend-ə Azərbaycanın xarici işlər nazirinin müavini Mahmud Məmmədquliyev məlumat verib.
"Bu, danışıqların üçüncü mərhələsi olacaq. Danışıqlar prosesi 2013-cü ildə nəticə əldə olunacağını düşünməyə əsas verir", - Məmmədquliyev deyib.
Azərbaycanla Avropa İttifaqı arasında viza rejiminin sadələşdirilməsi və readmissiya haqqında rəsmi danışıqlara mart ayında Bakıda start verilib.