Azərbaycan, Bakı, 19 dekabr /Trend, müxbir A.Axundov/
"Paşa Bank" Gürcüstandakı törəmə strukturunun hüquqi şəxs qismində qeydiyyatı prosesini başa çatdırıb. Trend-in məlumatına görə, bu barədə çərşənbə günü jurnalistlərə bankın İdarə heyətinin sədri Fərid Axundov deyib.
Onun sözlərinə görə, bank Gürcüstan Mərkəzi Bankına rəsmən müraciət etməyi və törəmə bankın bu ölkənin bank bazarında fəaliyyət göstərməsi üçün ilin sonunadək lisenziya almağı planlaşdırır.
Axundov ümid etdiyini bildirib ki, törəmə bank 2012-ci ilin sonunadək işə başlayacaq.
Onun sözlərinə görə. Gürcüstandakı törəmə bank (PASHA Bank Georgia) 20 milyon dollar həcmində nizamnamə kapitalı ilə yaradılacaq ki, bu da 35 milyon lariyə bərabərdir.
