...

Azərbaycan bankları kreditlərin 13 faizini regionlara ayırıblar

Biznes və iqtisadiyyat xəbərləri Materials 4 Yanvar 2013 16:01 (UTC +04:00)
2012-ci il noyabrın əvvəlinə Azərbaycan regionlarında əhaliyə verilən kreditlər 1501,2 milyon manat və ya bankların kredit portfelinin ümumi həcminin 12,8 faizini təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.

Azərbaycan, Bakı, 4 yanvar/Trend, müxbir İ. Xəlilova/

2012-ci il noyabrın əvvəlinə Azərbaycan regionlarında əhaliyə verilən kreditlər 1501,2 milyon manat və ya bankların kredit portfelinin ümumi həcminin 12,8 faizini təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.

AMB-nin məlumatına görə, Bakı üzrə bu göstərici 10242,3 milyon manat təşkil edib ki, burada milli valyutada verilən kreditlərin payına 6876,8 milyon manat düşüb. Noyabrın əvvəlinə ölkədə orta faiz dərəcəsi 15,3 faiz, Bakı üzrə isə 14,5 faiz təşkil edib.

Kreditləşmənin həcmi Abşeron iqtisadi rayonu üzrə orta faiz dərəcəsi 17,8 faiz olmaqla 368,3 milyon manat, Aran iqtisadi rayonu üzrə 22,1 faizlə 322,98 milyon manat, Dağlıq Şirvan iqtisadi rayonu üzrə 22 faizlə 35,7 milyon manat, Gəncə-Qazax iqtisadi rayonu üzrə 20,8 faizlə 320,6 milyon manat, Quba-Xaçmaz - 19,1 faizlə 131,6 milyon manat, Lənkəran - 24,4 faizlə 130,2 milyon manat, Şəki-Zaqatala - 23,5 faizlə 91,6 milyon manat, Yuxarı Qarabağ - 22,1 faizlə 14,5 milyon manat, Kəlbəcər-Laçın - 18 faizlə 2,8 milyon manat, Naxçıvan - 12,2 faizlə 82,8 milyon manat olub.

2012-ci il noyabrın əvvəlinə bankların ayırdığı kreditlərin ümumi həcmi 11743,5 milyon manat, o cümlədən milli valyutada 7995,2 milyon manat (68,1 faiz) və azad konvertasiya olunan valyutada isə 3748,3 milyon manat (31,9 faiz) təşkil edib.

Müqayisə üçün 2012-ci ilin əvvəlinə bu göstərici 9950,3 milyon manata (milli valyutada 6426,5 milyon manat və azad konvertasiya olunan valyutada isə 3523,8 milyon manat), 2011-ci il noyabrın 1-nə isə 9776,2 milyon manata (müvafiq olaraq 6150,2 milyon manat və 3625,9 milyon manat) bərabər olub.

Məqalədə:
Xəbər lenti

Xəbər lenti