Azərbaycan, Bakı, 7 iyun /Trend, müxbir H.Vəliyev/
Son 20 gün ərzində Standartlaşdırma, Metrologiya və Patent üzrə Dövlət Komitəsi Bakı şəhərində çörək məhsullarının istehsalı ilə məşğul olan müəssisələri təxminən 15 min manat məbləğində cərimələyib. Trend-in məlumatına görə, bu barədə cümə günü jurnalistlərə açıqlamasında komitənin Dövlət Nəzarəti Xidmətinin rəhbəri Əbülfət İmanov bildirib.
İmanovun sözlərinə görə, yalnız son 3 ay ərzində çörək məhsullarının istehsalçılarına tətbiq olunan cərimələrin ümumi həcmi 126 min manat təşkil edir: "Təbii ki, biz yalnız cərimə sanksiyaları ilə kifayətlənmirik. Əsas məqsəd bu müəsissələrin məhz yeni istehsalat texnikaları və avadanlıqlarının tətbiqi ilə istehsal prosesini lazimi səviyyəyə çatdırılmasıdır".