Azərbaycan, Bakı, 20 iyun /Trend, müxbir E.Əliyev/
Qara Dəniz Ticarət və İnkişaf Bankı (QDTİB) Azərbaycan Respublikası Dövlət Neft Fondunun (ARDNF) vəsaitlərinin cəlb edilməsi ilə bağlı danışıqları bərpa etməyi planlaşdırır.
Bu barədə cümə axşamı Trend-ə QDTİB-in sədri Andrey Kondakov deyib: "Biz daha əvvəl bu təkliflə ARDNF-yə müraciət etmişik, lakin Fondun mövcud investisiya qaydaları reytinqi AA-dan aşağı olan maliyyə institutlarına vəsait ayrılmasına imkan vermir. QDTİB regionda ən yüksək reytinqə malikdir - S&P-nin versiyasına görə "A-", "Moody's"in versiyasına görə isə "A3". Lakin bu, hələlik kifayət etmir".
Onun sözlərinə görə, QDTİB ARDNF-nin vəsaitlərinin cəlb edilməsi üzrə danışıqların bərpasına ümid edir.
Kondakov bildirib: "Bankın reytinqi AA-dək artırılan kimi yaxın gələcəkdə bu məsələ ilə bağlı yenidən ARDNF-yə müraciət edəcəyik".
