Azərbaycan, Bakı, 15 avqust /Trend, müxbir A. Axundov/
2013-ci ilin yanvar-iyul aylarında Azərbaycanda tikinti materiallarının istehsalı ilə məşğul olan şirkətlər 197,8 milyon manat dəyərində məhsul istehsal ediblər ki, bu da ötən ilin analoji dövründə qeydə alınan göstəricidən 22,5 faiz çoxdur. Trend-in məlumatına görə, bu barədə Dövlət Statistika Komitəsinin hesabatında bildirilir.
Hesabatda deyilir ki, yanvar-iyul aylarında sement istehsalı üç faiz artaraq 1,2 milyon ton, tikinti gipsi istehsalı 1,9 faiz artaraq 118,4 min ton, hörmə üçün hazır beton qarışığı istehsalı 11,7 faiz artaraq 803,7 min ton, asfalt istehsalı 7,2 faiz artaraq 46,3 min ton olub.
2013-cü ilin avqustun birinə müəssisələrin anbarlarında 17,7 milyon manatlıq və ya ölkə sənayesi üzrə olan hazır məhsul ehtiyatının 5,7 faizi qədər hazır məhsul ehtiyatı olub.
