Azərbaycan, Bakı, 9 dekabr /Trend, müxbir E.Əliyev /
"Bank Technique" yaxın perspektivdə islam məhsullarını inkişaf etdirmək niyyətində deyil. Bu barədə bazar ertəsi Trend-ə bankın Müştəri xidmətləri şöbəsinin müdiri Kamran Axundov bildirib.
Axundov deyib: "Əlbəttə, "Bank Technique"-in islam məhsullarını tətbiq etmək və onları inkişaf etdirmək planları var, lakin hələlik konkret müddətdən danışmaq tezdir. Bazarda artıq müavfiq presedentlər var. Məlum olduğu kimi, Azərbaycan Beynəlxalq Bankı artıq oxşar alətlər təqdim edir. Biz bazarın tendensiyalar nəbzini tuturuq".
Onun sözlərinə görə, eyni zamanda ölkənin bank sahəsində islam bankçılığının fəal inkişafı üçün müəyyən tələb əmələ gəlməlidir: "Bazarda müəyyən tələb yaranmalıdır. Tələb indi də var, lakin o, bankın bu istiqamətdə fəaliyyətini ciddi şəkildə fəallaşdırmaq üçün kifayət qədər böyük deyil".
Azəərbaycanın bank xidmətləri bazarında 1994-cü ildən fəaliyyət göstərən "Bank Technique" ASC 2012-ci ildə həyata keçirdiyi uğurlu rebrendiq nəticəsində innovasiyalı və qabaqcıl bank imicini yarada bilib. Bank sektorunda uğurlu bə sürətli inkişaf mexanizmi ilə fərqlənən "Bank Technique" Azərbaycanda bank və maliyyə xidmətlərinin geniş çeşidini təklif edir.
