Azərbaycan, 29 dekabr /Trend, müxbir E.İsmayılov/
Azərbaycan Nazirlər Kabineti "Qanunsuz müdaxilə aktları ilə bağlı hava hərəkətinin idarə edilməsi Qaydaları"nı təsdiqləyib. Trend-in məlumatına görə, bu barədə hökumətin saytında yerləşdirilmiş məlumatda deylir.
Məlumata görə, qərar Nazirlər Kabineti tərəfindən "Aviasiya təhlükəsizliyi üzrə Dövlət Proqramı"nın və "Aviasiya təhlükəsizliyinin təmin edilməsi Qaydaları"nın təsdiq edilməsi haqqında" Azərbaycan Respublikası Prezidentinin 2012-ci il 24 aprel tarixli 613 nömrəli Fərmanının 3.1.16-cı yarımbəndinin icrasını təmin etmək məqsədi ilə qəbul edilib.