Azərbaycan, Bakı, 13 yanvar /Trend, müxbir E.Əliyev/
2013-cü ilin yanvar-noyabr aylarında Azərbaycanda pul bazası daimi artım nümayiş etdirib və dekabrın 1-nə olan vəziyyətə görə, genişləndirilmiş pul bazası 10 895,6 milyon manat təşkil edib. Trend-in məlumatına görə, bu barədə Azərbaycan Mərkəzi Bankının statistik hesabatında deyilir.
Mərkəzi Bankın məlumatına görə, illik hesablamada pul bazası 15,6 faiz artıb. Müqayisə üçün, 2012-ci ilin 11 ayının yekunları üzrə bu göstərici 9 427,3 milyon manat təşkil edib.
Pul bazasının həcmi 2013-cü il dekabrın 1-nə 10787,7 milyon manata bərabər olub. 2012-ci il dekabrın 1-nə isə bu göstərici 9 346 milyon manat olmuşdu.
Hesabat dövründə dövriyyədəki pulların həcmi 10 372,8 milyon manat olub. 2012-ci il dekabrın 1-nə bu rəqəm 8826,3 milyon manat təşkil edib.
Öz növbəsində, bank ehtiyatları 500,3 milyon manata bərabər olub ki, bu da 2012-ci il noyabrın ayının yükunu üzrə müqayisədə 13,6 faiz (579 milyon manat) azdır.
2013-cü il dekabrın 1-nə dövriyyədəki nağd pul kütləsinin pul bazasına nisbəti 95,2 faiz olub. 2012-ci il dekabrın 1-nə bu rəqəm 93,6 faiz təşkil edib.
