Azərbaycan, Bakı, 24 yanvar /Trend, müxbir A.Axundov/
Azərbaycan Maliyyə Nazirliyi non-life üzrə işləyən sığorta şirkətlərinin ümumi kapitalının minimal məbləğinə tələbi beş milyon manat səviyyəsində saxlayacaq. Trend-in məlumatına görə, bu barədə ölkənin Maliyyə Nazirliyinin sahibkarlıq fəaliyyəti üçün icazə sənədləri haqqında www.icazeler.gov.az portalında yerləşdirilmiş sığorta və təkrar sığorta edənlər üçün kapitalın minimal məbləğinə tələblərin təyin edilməsi haqqında qərar layihəsində deyilir.
Sənədin layihəsinə əsasən, həyat sığortasına aid olmayan növlərlə məşğul olan yeni sığorta şirkətinin ümumi kapitalının minimal məbləği də eyni səviyyədə formalaşdırılmalıdır.
