Azərbaycan, Bakı, 25 yanvar /Trend, müxbir A.Axundov/
2013-cü ildə Azərbaycan əhalisinin gəlirləri 2012-ci illə müqayisədə 8 faiz artaraq 37,6 milyard manata çatıb.
Dövlət Statistika Komitəsindən Trend-ə verilən məlumata görə, gəlirlərin hər nəfərə düşən məbləği isə 6,6 faiz artaraq 4039,6 manat və ya ayda 336,6 manat təşkil edib.
Bu dövr ərzində gəlirlərin 64,3 faizi son istehlaka, 8,3 faizi vergilər, sosial sığorta və könüllü üzvlük haqlarının ödənilməsinə, 25,6 faizi əmanətlərin və kapitalın artırılmasına, 1,8 faizi isə kreditlər üzrə faizlərin ödənilməsinə yönəldilib.
Əhalinin sərəncamda qalan gəlirlər 34,5 milyard manat təşkil edərək 2012-ci illə müqayisədə 8 faiz artıb.
