Azərbaycan, Bakı, 31 yanvar /Trend/
Əlverişsiz hava şəraiti ilə əlaqədar olaraq İstanbulda bir sıra dəniz reysləri təxirə salınıb. Trend-in məlumatına görə, bu barədə "TRT Haber" xəbər yayıb.
Məlumata görə, reyslər İstanbul akvatoriyasında fırtına xəbərdarlığı ilə əlaqədar təxirə salınıb.
Əsasən yanvarın 31-nə planlaşdırılan reyslər təxirə düşüb. Reyslərin başqa günə keçirilməsi ilə əlaqədar hələlik hər hansı məlumat verilmir.