Azərbaycan, Bakı, 29 aprel /Trend, müxbir E.Əliyev/
2014-cü ildə Azərbaycanda bankların kredit portfellərinin nominal artımı 20 faiz təşkil edəcək. Trend-in məlumatına görə, bu barədə "Moody's Investors Service" beynəlxalq reytinq agentliyinin çərşənbə axşamı yayılan yeni məruzəsində deyilir.
Bu artım cari ildə 3,4 faiz həcmində gözlənilən inflyasiya səviyyəsinin fonunda qeydə alınacaq. Bank kreditləşməsinin artım dinamikası bir qədər azalacaq. 2013-cü ildə bu göstərici 25 faiz təşkil etmişdi.
Moody 's hesab edir ki, Azərbaycanda əməliyyat mühiti bütovlükdə kredit tələbatını və borc alanların maliyyə profilini dəstəkləyir. Reytinq agentliyi istehlak kreditlərinin verilməsi məhdudiyyəti üzrə bu sürətlə inkişaf edən seqmentdə artımı saxlamağa kömək etməli olan bu yaxınlarda verilən qərarı xüsusi qeyd edir.
Məruzədə deyilir: "Kredit verilməsində güclü artımın indiki tendensiyasının aktivlərin keyfiyyəti üçün gizli təhlükə kəsb edə biləcəyinə baxmayaraq, potensial kredit xərcləri təminat və kapitallaşdırma vəsaitləri ilə yaxşı dəstəklənir".
2014-cü il martın 1-nə olan vəziyyətə görə, ölkə banklarının aktivləri 2,08 milyard manat təşkil edib. Bu rəqəm ötən ilin fevral ayında 1,67 milyard manat olub. İl ərzində bankların aktivləri 24,65 faiz artıb.
