Azərbaycan, Bakı, 11 iyun /Trend, müxbir E.Əliyev/
Azərbaycan Respublikası Dövlət Neft Şirkəti (ARDNF) cari ildə Çinin milli valyutası yuan ilə 1,8 milyard dollaradək sərmayə yatıracaq. Trend-in məlumatına görə, bu barədə "Financial Times"a fondun rəhbəri Şahmar Mövsümov bildirib.
Onun sözlərinə görə, ARDNF çinli tənzimləyiciyə yuanda aktivlərə giriş əldə etmək üçün müraciət edib.
Mövsümov bildirib: "Bu, getdikcə əhəmiyyətli olan valyutalardan biridir. Bəs onda niyə yuanda sərmayə qoymayaq? Biz bunun üçün lazım olan bütün hazırlıq prosedurlarını başa çatdırmaq mərhələsindəyik".
Beynəlxalq Valyuta Fondunun (BVF) məlumatına görə, mərkəzi bankların və suveren fondların aktivləri təxminən 11,7 milyon dollardır. Lakin onların ehtiyatlarının əksəriyyəti dollar və avroda cəmləşdirilib. Təxmini hesablamalara görə, Çin yuanı təqribən 48 milyard dollarda və ya onların ümumi aktivlərinin azı 0,5 faizində cəmləşib.
ARDNF rəhbərinin sözlərinə görə, keçən ilin sonlarında fond öz portfelində valyutaların payını (dollar, avro və funt sterlinq istisna olmaqla) 5 faizdən 10 faizədək artırmaq niyyətindədir: "Əlavə beş faiz, yaxud 1,8 milyard dollar başqa valyutalara sərmayə qoyulacaq. İlin sonunadək sərbəst olacaq həcmi biz yuanda qoyacağıq".
Fondun rəhbəri əalvə edib ki, fond Çin valyutasında istənilən aktivin investisiyalaşdırılması üçün açıqdır.
O deyib ki, ABŞ-da və Avropada faiz dərəcələrinin artım perspektivləri ARDNF-ni istiqrazlarda sərmayə qoyulması məsələsində daha ehtiyatlı olmağa vadar edib: "Bu trend qızılın alınması proqramının dayandırılmasına gətirib çıxarıb. Biz dünya ölkələrinin iqtisadiyyatlarının bərpa olunması ilə onun [qızılın] qiymətinin aşağı düşəcəyini gözləyirik".
ARDNF 1999-cu ildə yaranıb və həmin vaxt onun aktivləri 271 milyon dollar təşkil edib.
