Azərbaycan, Bakı, 17 may /Trend, müxbir Z.Qurbanova/
Azərbaycanda yanvar-may aylarında kənd təsərrüfatı məhsullarının ümumi istehsalı faktiki qiymətlərlə 1128,2 milyon manat təşkil edib və keçən ilin eyni dövrünə nisbətən 2,7 faiz artıb. Bu barədə Trend Dövlət Statistika Komitəsinə istinadən məlumat verir.
Ölkədə əsasən yazlıq bitkilərin kütləvi əkini başa çatıb.
İyun ayının 1-nə olan vəziyyətə 342,5 hektar sahədə yazlıq bitkilər, o cümlədən 73,3 min hektarda tərəvəz bitkiləri, 61,5 min hektarda kartof, 61,5 min hektarda dənli və dənli paxlalı bitkilər, 26,8 min hektarda ərzaq üçün bostan bitkiləri, 26,8 min hektarda tərəvəz bitkiləri, 21,1 min hektarda pambıq, 9,8 min hektarda dən üçün günəbaxan bitkiləri, 5,5 min hektarda şəkər çuğunduru əkilib.
Yanvar-mayda yazlıq dənli və dənli paxlalı əkin sahəsi il ərzində 13 faiz, tərəvəz 1,6 faiz, kartof 4,8 faiz, bostan bitkiləri 3,7 faiz, pambıq 8,6 faiz azalıb. Eyni zamanda, günəbaxan və şəkər çuğunduru sahələri il ərzində müvafiq olaraq 11,1 və 11,8 faiz artıb.
Təsərrüfatlarda 77,9 min ton tərəvəz məhsulları istehsal edilib.
Hesabat dövründə respublikada 174,7 min ton diri çəkidə ət, 753 min ton süd, 638,1 milyon ədəd yumurta, 12,6 min ton yun istehsal edilib
Yanvar-may aylarında respublikada ötən ilin eyni dövrü ilə müqayisədə ət istehsalı 2,1 faiz, süd istehsalı 2,8 faiz, yumurta istehsalı 12,6 faiz, yun istehsalı isə 1,5 faiz artıb.
