...

Azərbaycanda avtonəqliyyat vasitəsi sahiblərinin mülki məsuliyyətinin icbari sığortası üzrə müqavilələrin sayı il ərzində 35 faizdən çox artıb

Biznes və iqtisadiyyat xəbərləri Materials 2 Avqust 2014 14:45

Trend-i buradan izləyin

Azərbaycan, Bakı, 2 avqust /Trend, müxbir İlahə Məmmədli/

2014-cü ilin iyul ayında sığorta şirkətləri avtonəqliyyat vasitəsi sahiblərinin mülki məsuliyyətinin icbari sığortası üzrə 99,307 mindən çox sığorta müqaviləsi bağlayıblar və bu müqavilələr üzrə sığorta haqları 7,8 milyon manat təşkil edib. Bu barədə Trend İcbari Sığorta Bürosuna istinadən məlumat verir.

Ötən ilin müvafiq dövrü ilə müqayisədə sığorta müqavilələrinin sayında 36,7 faiz, sığorta haqlarının məbləğində isə 40,85 faiz artım müşahidə edilib.

Müqavilələrin 21,4 minə qədərini xarici ölkədə qeydiyyata alınmış və Azərbaycan Respublikasına tranzit məqsədilə daxil olan avtonəqliyyat vasitələri təşkil edib.

Xaricdə qeydiyyatdan keçmiş və tranzit məqsədi ilə Azərbaycana idxal edilmiş avtomobil nəqliyyatı vasitələrinin sahibləri ilə müqavilə bir ay və ya bir il müddətinə bağlanır və belə nəqliyyat vasitəsi üçün sığorta məbləği illik mükafatın 25 faizi həcmində müəyyən edilir.

Ümumilikdə cari ilin ilk 7 ayı ərzində avtonəqliyyat vasitəsi sahiblərinin mülki məsuliyyətinin icbari sığortası üzrə 515,7 mindən çox sığorta müqaviləsi bağlanılıb və müqavilələr üzrə sığorta haqlarının məbləği 38,07 milyon manat təşkil edib. 2014-cü ilin ilk 7 ayı ərzində ötən ilin müvafiq dövrü ilə müqayisədə sığorta müqavilələrinin sayında 0,86 faiz, sığorta haqlarının məbləğində isə 0,53 faiz artım müşahidə edilib.

Cari ilin iyul ayında orta sığorta haqqı 79,26 manat təşkil edib ki, bu da ötən ilin eyni dövrü ilə müqayisədə 2,34 manat çoxdur.

Azərbaycanda 15 şirkət İcbari Sığorta Bürosunun üzvüdür.

Məqalədə:
Xəbər lenti

Xəbər lenti