Azərbaycan, Bakı, 4 sentyabr /Trend, müxbir Zülfiyyə Qurbanova/
2014-cü il avqustun 1-nə olan vəziyyətə görə, Azərbaycanda genişləndirilmiş pul bazası 11 858,1 milyon manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) 2014-cü ilin ilk 7 ayının nəticələri üzrə statistik hesabatında deyilir.
İllik hesablamalarda ölkədə pul bazası 12,6 faiz artıb. Müqayisə üçün: 2013-cü il iyulun yekunu üzrə bu göstərici 10 528,8 milyon manat olub.
Hesabatda qeyd edilir ki, 2014-cü il avqustun 1-nə pul bazası manatda 11 736,5 milyon manat olub. Bu rəqəm ötən il avqustun 1-nə 10 427,6 milyon manat təşkil edib.
Hesabat dövründə tədavüldəki pul həcmi 11 144,4 milyon manat təşkil edib, halbuki bu göstərici 2013-cü il avqustun 1-nə 9924,8 milyon manat olub.
Dövriyyədəki nağd pul kütləsinin pul bazasına nisbəti 2014-cü il avqustun 1-nə 94 faiz olub. Bu göstərici 2013-cü il avqustun 1-nə 94,3 faiz təşkil edib.
Bank ehtiyatları 702,1 milyon manat təşkil edib ki, bu da 2013-cü il iyulun yekunu üzrə göstəricidən (539,3 milyon manat) 21,1 faiz çox olub.
Azərbaycanda 44 bank fəaliyyət göstərir.