CAREC Azərbaycan və Monqolustanı iqtisadi operatorlar üçün seminarların təşkilatçısı seçib

Azərbaycan, Bakı, 27 sentyabr /Trend/

Azərbaycanda və Monqolustanda Mər­kə­zi Asi­ya Re­gio­nal İq­tisadi Əmək­­­daşlıq Proq­ra­mına (CAREC) üzv ölkələrin xarici iqtisadi fəaliyyət iştirakçıları üçün proqramın hazırlanması məqsədilə risklərin idarə edilməsi üzrə seminarlar keçiriləcək. Bu barədə Trend Azərbaycan Dövlət Gömrük Komitəsinə istinadən məlumat verir.

Bu ölkələrdə səlahiyyətli iqtisadi operatorlar üçün seminarların keçirilməsi haqqında razılaşma sentyabrın 22-23-­­də Qırğızıstanın Çolpon-Ata şəhərində Qır­ğızıstan höku­məti ya­nın­da Dövlət Göm­rük Xid­mə­tinin təşkilatçı­lığı ilə Asiya İnkişaf Ban­kının Mər­kə­zi Asi­ya Regio­nal İq­tisadi Əmək­­­daşlıq Proq­ra­mı çərçi­və­sin­də keçirilən Göm­rük Əmək­daşlıq Ko­mi­­təsinin 13-cü ic­lasında əldə olunub.

Əfqanıstan, Çin, Qazaxıstan, Qırğızıstan, Monqolustan, Pakistan, Tacikistan, Türkmə­nis­tan və Özbəkistan gömrük xidmətlərinin rəhbər vəzifəli şəxslə­ri­nin qatıldığı iclasda Azərbaycanı Dövlət Göm­rük Komitəsi sədrinin müavini, gömrük xidməti general-leytenantı Rza Həsənəliyevin rəhbərliyi altında nümayəndə heyəti təmsil edib.

Tədbirdə "Mərkəzi Asiya Regional İqtisadi Əməkdaşlıq Proqramının Nəqliyyat və Ticarətin Asanlaşdırılması Strategiyası 2020"-nin həyata keçirilməsi üzrə təqdim edilmiş məlumatda sənədin əsas məqsədinin ticarətin genişləndirilməsi və rəqabətqabiliyyətliliyin yüksəldilməsi olduğu qeyd edilib.

Bununla yanaşı, iclasda təqdim edilmiş 2013-2014-cü illərdə ticarətə yardım üzrə proqramın icmalı ilə bağlı qeyd olunub ki, göstərilən dövrdə CAREC-ə üzv ölkələrin gömrük orqanları tərəfindən nəqliyyata və ticarətə yardıma dair müxtəlif beynəlxalq tədbirlər keçirilib. Bundan sonra iclas "dəyirmi masa" ətrafında müzakirələrlə öz işini davam etdirib.

Azərbaycan Dövlət Gömrük Komitəsi sədrinin müavini R.Həsənəliyevin sədrliyi ilə keçirilən "dəyirmi masa"lardan birində mövzu üzrə buraxılış vaxtının öyrənilməsi, birgə gömrük nəzarəti və sərhədlərin əlaqələndirilmiş şəkildə idarə edilməsi məsələləri müzakirə olunub.

İclasda Əfqanıstan İslam Respublikasının nümayəndəsi ölkəsində sərhədlərin əlaqələn­dirilmiş şəkildə idarə olunmasına dair çıxışında gömrük orqanları və sərhəd polisinin əməkdaşlığı barədə məlumat verib.

Tədbirdə Ümumdünya Gömrük Təşkilatının nümayəndəsi sərhədlərin əlaqələndirilmiş şə­kildə idarə edilməsi üzrə ÜGT prinsipləri barədə çıxış edib. O, öz çıxışında bildirib ki, sərhəd­lərin bu cür idarə edilməsi artan mal dövriyyəsi və in­sanların keçidi zamanı rəsmi­ləşdirməni sürətlən­dirir. Məruzəçi əsas prinsip kimi birgə məlumat, ümumi resurslar, qarşılıqlı fəaliyyət və məsuliy­yətin əhəmiyyətini vurğu­layıb. Bununla yanaşı, o, hər bir ölkədə kon­kret vəziyyətin xüsusiyyətinin nəzərə alın­masının vacibliyini də qeyd edib.

İclasda 2014-2015-ci illərdə Ticarətə Yardım Proq­ramı çərçivəsində bir sıra tədbirlərin keçirilməsi planlaşdırılıb.

Tədbirin sonunda Gömrük Əməkdaşlıq Ko­mi­təsinin 14-cü iclasının Monqolustanda keçirilməsi razılaşdırılıb.