Azərbaycan, Bakı, 30 aprel /Trend, müxbir Azad Həsənli/
Qiymətli Kağızlar üzrə Dövlət Komitəsi (QKDK) "Mega Insurance" ASC-nin 2,5 milyon manat dəyərində adi, sənədsiz, adlı səhmlərinin emissiya prospektini qeydiyyata alıb.
Trend-in QKDK-ya istinadən verdiyi məlumata əsasən, emissiya çərçivəsində hər birinin nominal dəyəri 5 min manat olan 500 səhm buraxılıb.
Yerləşdirmədən sonra şirkətin nizamnamə kapitalı 14,5 milyon manatadək artırılacaq.