...

Azərbaycanda daşınmaz əmlakın sığortası üzrə müqavilələrin sayı azalıb

Biznes və iqtisadiyyat xəbərləri Materials 9 Avqust 2015 20:01 (UTC +04:00)
2015-ci ilin iyul ayında daşınmaz əmlakın icbari sığortası üzrə 7 893 sığorta müqaviləsi bağlanılıb.
Azərbaycanda daşınmaz əmlakın sığortası üzrə müqavilələrin sayı azalıb

Azərbaycan, Bakı, 8 avqust /Trend, müxbir Azad Həsənli/

2015-ci ilin iyul ayında daşınmaz əmlakın icbari sığortası üzrə 7 893 sığorta müqaviləsi bağlanılıb.

Trend-in İcbari Sığorta Bürosuna istinadən verdiyi məlumata görə, daşınmaz əmlakın icbari sığortası üzrə daxil olan sığorta haqlarının məbləği 1,3 milyon manat təşkil edib. Daşınmaz əmlakın icbari sığortası müqavilələrinin 69,35%-i yaşayış evləri və mənzillər, 0,38%-i inzibati binalar, 30,27%-i isə digər daşınmaz əmlakla bağlı olub. Ötən ilin müvafiq dövrü ilə müqayisədə daşınmaz əmlakın icbari sığortası müqavilələrinin sayında 4,9%, sığorta haqlarının məbləğində isə 9,4 faiz azalma müşahidə edilib.

İyul ayında daşınmaz əmlakın istismarı ilə bağlı mülki məsuliyyətin icbari sığortası üzrə 369, sərnişinlərin icbari fərdi qəza sığortası üzrə 9 sığorta müqaviləsi bağlanılıb. Daşınmaz əmlakın istismarı ilə bağlı mülki məsuliyyətin icbari sığortası üzrə daxil olan sığorta haqları 27 930 manat, sərnişinlərin icbari fərdi qəza sığortası üzrə daxil olan sığorta haqları isə 1 819 manat təşkil edib.

Məqalədə:
Xəbər lenti

Xəbər lenti