...

Azərbaycanda daha çox bank və sığorta şirkətlərinin əməkdaşları ipoteka ilə mənzil alırlar

Biznes və iqtisadiyyat xəbərləri Materials 9 Noyabr 2015 10:10 (UTC +04:00)
Azərbaycanda ipoetka kreditlərinə görə daha çox bank və sığorta şirkətlərin əməkdaşları müraciət edirlər.
Azərbaycanda daha çox bank və sığorta şirkətlərinin əməkdaşları ipoteka ilə mənzil alırlar

Trend-i buradan izləyin

Azərbaycan, Bakı, 9 noyabr /Trend, müxbir Azad Həsənli/

Azərbaycanda ipoteka kreditlərinə görə, daha çox bank və sığorta şirkətlərinin əməkdaşları müraciət edirlər. Trend-in məlumatına görə, bu barədə Azərbaycan Mərkəzi Bankı (AMB) yanında Azərbaycan İpoteka Fondunun (AİF) hesabatında deyilir.

Hesabata əsasən, 2015-ci ilin III rübünün yekunları üzrə ipoteka kreditlərinin təqribən 22 faizi onların payına düşüb.

Siyahıda sonrakı yerləri hərbçilər (20,7 faiz), enerji sahəsinin (13,1 faiz) və hüquq-mühafizə orqanları əməkdaşları (9,2 faiz) tuturlar.

Kreditlərin qalan hissəsi rabitə, nəqliyyat, səhiyyə, təhsil, tikinti və digər sahələrin əməkdaşlarının payına düşür.

Bununla yanaşı, vətəndaşlar daha çox (52,9 faiz) ipotekaya qiyməti 30-60 min manat olan mənzillər (2015-ci ilin III rübün sonuna) alırlar.

Hesabata əsasən, əksər hallarda ipoteka obyekti qismində ümumi sahəsi 40-60 kvadratmetr (41,7 faiz) və 60-80 kvadratmetr (30,7 faiz) olan mənzillər olurlar.

AMB-nin məlumatına görə, 2015-ci ilin yanvar-sentyabrında AİF xətti üzrə 77,2 milyon manat məbləğində kredit verilib ki, bu da 2014-cü ilin analoji dövrünün göstəricisindən təqribən 1,8 faiz azdır.

Məqalədə:
Xəbər lenti

Xəbər lenti