Bakı. Trend:
Çin hakimiyyəti 2020-ci ilədək bütün ölkədə avtomobil yanacağı qismində bioetanolun istifadəsi üçün hər cür şərait yaratmağı planlaşdırır.
Trend-in məlumatına görə, bu barədə Çinin İnkişaf və İslahatlar Milli Komissiyasının və Milli Energetika Administrasiyasının birgə bəyanatında deyilir.
Bu məqsədlə qəbul edilmiş bioetanolun istehsalı və tətbiqi proqramında deyilir ki, Çin maye bioyanacağın istehsalı üçün müasir sistem yaratmaq niyyətindədir. Bu yanacağın keyfiyyəti beynəlxalq standartlara uyğun olmalıdır.