...

Kestutis Yankauskas: Bakı limanı Asiya ilə Avropa arasındakı ticarət şəbəkəsində vacib yer tutur (FOTO)

Biznes və iqtisadiyyat xəbərləri Materials 16 Mart 2018 12:52 (UTC +04:00)
“Bakı Beynəlxalq Dəniz Ticarət Limanı” QSC və Avropa İttifaqı (Aİ) “Ələtdə yeni Bakı limanının əməliyyat imkanlarının genişləndirilməsinə Aİ dəstəyi” adlı birgə layihə təqdim edib.
Kestutis Yankauskas: Bakı limanı Asiya ilə Avropa arasındakı ticarət şəbəkəsində vacib yer tutur (FOTO)

Bakı. Maksim Tsurkov - Trend:

“Bakı Beynəlxalq Dəniz Ticarət Limanı” QSC və Avropa İttifaqı (Aİ) “Ələtdə yeni Bakı limanının əməliyyat imkanlarının genişləndirilməsinə Aİ dəstəyi” adlı birgə layihə təqdim edib.

Trend-in məlumatına görə, Aİ tərəfindən maliyyələşdirilən layihəyə qurumun bir milyon avroya yaxın texniki yardımın ayrılmasını nəzərdə tutur.

2018-2019-cu illəri əhatə edəcək proqram çərçivəsində liman əməliyyatları, idarəetmə, biznes, insan resursları, əmək və ətraf mühitin mühafizəsi, ictimaiyyətlə əlaqələr sahələrində təcrübə mübadiləsi aparılacaq.

Bakı Beynəlxalq Dəniz Ticarət Limanının rəhbəri Taleh Ziyadov layihənin təqdimatı zamanı bildirib ki, liman Avropanın aparıcı limanları, nəqliyyat və logistika şirkətləri ilə əməkdaşlıq edir və layihə icra olunduqca bu əməkdaşlıq daha da genişlənəcək.

Aİ-nin Azərbaycandakı nümayəndəsi Kestutis Yankauskas öz növbəsində qeyd edib ki, Bakı limanı Asiya ilə Avropa arasındakı ticarət şəbəkəsində vacib yer tutur:

“Bu ildən Avropa yük daşıyıcıları Bakı limanının müasir informasiya-kommunikasiya sistemləri vasitəsilə onlayn rejimdə yüklərin yeri, əməliyyatlar və qonçu limanlara çatdırılma müddətlərini izləyə biləcək”.

Xəbər lenti

Xəbər lenti