Bakı. Sədrəddin Ağcayev - Trend:
Azərbaycanla Özbəkistanın xarici ticarət münasibətləri dinamik inkişaf edir.
Trend-in məlumatına görə, bunu iqtisadiyyat nazirinin müşaviri Məsim Məmmədov bu gün Bakıda "Made in Uzbekistan" sərgisinin açılış mərasimində deyib.
"İlk növbədə Azərbaycana ilk dəfə gələn Özbəkistan şirkətlərinin nümayəndələrini qeyd etmək lazımdır. Bu model üzrə iqtisadi münasibətlərin inkişafı 2010-cu ildən başlayıb. Bu cür sərgilər vasitəsilə biz həm Özbəkistanda, həm də Azərbaycanda öz məhsullarımızı nümayiş etdiririk. Azərbaycan hər zaman iqtisadi münasibətlərin inkişafına yönəlmiş tədbirləri dəstəkləyir. Bu, həm də bizə yeni iş yerləri açmağa, özəl şirkətlər arasında əməkdaşlığı genişləndirməyə və əməkdaşlıq üçün yeni sektorlar tapmağa kömək edir", - deyə o bildirib.
(Tərcümə: Orxan Nəbiyev)