Bu gün İstambulda BMT yanında Avropa İqtisadi Komissiyasının nəqliyyat komitəsinin iclası başa çatıb. Bu barədə Trend ə Azərbaycanın Nəqliyyat Nazirliyndən məlumat veriblər.
İclasda Transavropa və Transasiya nəqliyyat dəhlizlərinin birləşdirilməsi, sərnişin və yükdaşınmalarının, təhlükəli yüklərin daşınmasının təhlükəsizliyinin təminatı məsələləri müzakirə olunub.
"BMT Qars-Ahalkalaki-Tbilisi-Bakı dəmiryolu dəhlizinin tikintisinin layihəsini yüksək qiymətləndirib və o, bu təşkilatın prioritet layihələri ilə yanaşı yer alıb", - deyə Nazirlikdən bildiriblər.
İclasda Avropa, MDB və digər ölkələrin nəqliyyat idarələrinin nümayəndələri iştirak edib. Azərbaycanı tədbirdə Nəqliyyat Nazirliyinin nümayəndə heyəti təmsil edib.
