Almaniya Hökuməti Azərbaycana 1185 min avro vəsait ayırmağa hazırdır. Almaniyanın KfW yenidənqurma bankının Bakı nümayəndəliyindən Trend ə verilən məlumata görə, vəsaitlər qrant şəklində ayrılacaq. Maliyyələşdirmənin məqsədi isə layihələrin hazırlanmasıdır.
"Bu vəsaitlər xüsusilə layihələrin texniki-iqtisadi cəhətdən əsaslandırılmaları məqsədilə mütəxəssislər üçün yaradılan fonddur. Beləliklə, kredit şəklində ayrılan vəsaitlər konkret olaraq layihələrin həyata keçirilməsi üçün istifadə olunur, bu halda hər hansı əlavə işlərin aparılması istisna təşkil edir", - deyə nmayəndəlikdən bildiriblər.
1185 min avro vəsait hesabına bir sıra layihələr, xüsusilə torpaq kadastrının yaradılması layihəsi üzrə işlərin həyata keçirilməsi planlaşdırılır.
Əvvəllər Azərbaycana belə vəsaitlər 1,5 mln avro ölçüsündə ayrılıb. Onların böyük hissəsi Şəki və Gəncənin su təminatı və kanalizasiya sistemlərinin bərpasının TİƏ-nin hazırlanması, əmanətlərin sığorta Fondunun yaradılması məsələləri üzrə hüquq məsləhətxanasının maliyyələşdirilməsi üçün istifadə olunub.