Dünya Bankı "İnstusional inkişafaf texniki yardım"a (IBTA-2), həmçinin yoxsulluğun azaldılmasına dəstək (PRSC) üzrə kredit proqramı üçün ikinci kreditin reallaşdırılmasını nəzərdən keçirməyə başlayıb.
Dünya Bankının Bakıdakı nümayəndəliyindən Trend ə verilən məlumata görə, bu məqsədlə avqustun 15-dən 31-nə kimi Dünya Bankının ölkə üzrə iqtisadçısı Xristos Kostopulos (Christos Kostopoulos) Bakıda olacaq.
"20 milyon dollar məbləğində olan birinci PRSC razılaşması hələ imzalanmayıb. Lakin biz onun yaxın vaxtlarda imzalanacağını gözləyirik ", - deyə nümayəndəlikdən bildiriblər.
DB IBTA-2-ni 2002-ci il iyunun 19-da imzalayıb və onun reallaşdırılması üçün Beynəlxalq İnkişaf Assosiasiyasının standartlarına görə SDR 7,47 milyon (9,45 milyon dollar) ayırıb. Daha 1 milyon dollar isə Azərbaycan hökumətinə təqdim olunub.
Layihənin 4,5 ilə reallaşdırılması nəzərdə tutulub. IBTA-2 üzrə kredit razılaşması oktyabrın 17-də imzalanıb, 2002-ci il noyabrın 1-də Azərbaycan prezidenti tərəfindən imzalanıb.
