İraq Bakı və Bağdad arasında aviareysin açılmasına ümid edir. Bu barədə İraqın Azərbaycandakı səfirliyinin mətbuat xidmətində hər iki ölkənin aviaşirkətləri arasında danışıqların gedişini şərh edərkən bildiriblər.
Səfirlikdə qeyd ediblər ki, hazırda bu məsələnini texniki detalları müzakirə olunur, yalnız bundan sonra Bakı-Bağdad aviareysinin açılması üzrə qarşılıqlı anlaşmaya dair protokolun imzalanması mümkün olacaq.
"Biz ümidvarıq ki, bu məsələ yaxın gələcəkdə özünün müsbət həllini tapacaq", - deyə səfirlikdə bildirilib. Xatırladaq ki, hər il Azərbaycandan 1000 nəfər ziyarətçi İraqın müqəddəs yerlərini ziyarət edir.
