Dünya Bankı "İnstitusional inkişafa texniki yardım" (IBTA-2) kredit proqramı üzrə ikinci kreditin ayrılmasının həyata keçirilməsini gözdən keçirir.
Dünya Bankının Bakı nümayəndəliyindən Trend ə bildirildiyi kimi, bu məqsədlə Dünya Bankının ölkə üzrə iqtisadçısı Xristos Kostopulos (Christos Kostopoulos) avqustun 15-dən 31-nə kimi Bakıda olacaq.
"$20 mln dəyərində birinci PRSC üzrə saziş hələlik imzalanmayıb, lakin biz onun tezliklə bağlanacağını gözləyirik", - deyə hökumətdə bildirilib.
Dünya Bankı 2002-ci il iyunun 19-da İBTA-2 kredit proqramını təsdiq edərək onun həyata keçirilməsinə Beynəlxalq İnkişaf Assosiasiyasının standartları üzrə $9,45 mln ayırıb. Daha 1 mln dollar vəsait Azərbaycan hökuməti tərəfindən verilib. Layihənin 4,5 il ərzində həyata keçiriləcəyi planlaşdırılır.
İBTA-2 üzrə kredit sazişi 2002-ci il oktyabrın 17-də imzalanıb, həmin ilin noyabrın 1-də isə Azərbaycan Respublikasının prezidenti tərəfindən təsdiqlənib. Hazırda layihə üzrə qənaət edilmiş 5 mln dollar vəsaitin sərf olunma istiqamətləri müzakirə edilir.
