Aqrolizinq ASC növbəti tenderi elan edib. ASC-dən Trend ə bildirildiyi kimi, tenderin predmeti müəssisənin maddi-texniki bazasını təmin etmək üçün alınan texnikanın sığortalanmasıdır.
Maraqlı şirkətlər sənədlərini avqustun 26-dək, tender təkliflərini isə avqustun 31-dək ASC-yə təqdim etməlidir. Tender proseduru sentyabrın 1-də Azərbaycanın Kənd Təsərrüfatı Nazirliyində keçiriləcək.
Qeyd etmək lazımdır ki, ASC sayı 1000-dən çox olan kənd təsərrüfatı texnikasının alınması üzrə 2 tender keçirib. Əsasən taxılyığan kombaynlar, təkərli traktorlar, traktorlara qoşulan kənd təsərrüfatı maşınları, mini texnika (traktor və ona qoşulan kənd təsərrüfatı texnikası), avtomobil kranları, avtokarlar, səyyar texniki-təmir avtomobilləri, yük və sərnişin avtomobilləri, yarımqoşqulu avtomobillər (avtodartıcı), yarımqoşqular və az yerli avtobuslar alınıb.
