Sumqayıtda əlillər üçün xüsusi idman-sağlamlıq mərkəzi tikiləcək. Əmək və əhalinin sosial müdafiəsi Nazirliyindən Trend ə verilən məlumata görə, bu məqsədlə artıq müvafiq tender elan edilib.
Əmək Nazirliyi həmçinin bəyan edib ki, mərkəzin tikintisi 25 ay ərzində başa çatdırılmalıdır. Maraqlanan şirkətlər üçün sənədlərin qəbulunun son müddəti sentyabrın 20-ə qədərdir. Tender təkliflərinin təqdimatına gəldikdə isə onlar cari ilin oktyabrın 4-ə kimi qəbul ediləcək. Tender paketlərinin açılışı oktyabrın 5-də Əmək Nazirliyində keçiriləcək.
Bundan başqa, nazirlik hazırda əlillər üçün Sumqayıtda, Xaçmazda və Bakının Nizami rayonunda yaşayış binalarının tikintisini aparır.