Azərbaycan Dövlət Neft Fondu (ARDNF) "Dövlət tədarükü barədə" qanuna müvafiq olaraq maliyyə təşkilatlarına göstərilən depozitar xidmətlərin cəlb edilməsi üçün açıq tender elan edib. Bu barədə Trend məlumat verib.
Tenderin əsas məqsədi fondun vəsaitinin saxlanması üzrə kastodial xidmət göstərən, Neft Fondu tərəfindən cəlb edilən xarici menecerlərə yardım edən maliyyə təşkilatlarının seçilməsidir.
Təkliflərin verilməsində maraqlı olan və əsas tender şərtləri paketinin alınması üçün "AA-" (Standard & Poor's, Fitch)) yaxud "Aa3" (Moody's) uzunmüddətli öhdəliklər üzrə kredit reytinqləri olan maliyyə şirkətləri (iddiaçılar) Dövlət Neyf Fonduna sentyabrın 20-ə qədər tenderdə maraqlarını əks etdirən ərizə (faks və ya elektron poçt vasitəsilə) təqdim etməlidirlər. Tenderdə iştirak etməkdə maraqldı olduqlarını göstərən iddiaçılara açıq tender şərtləri paketi (ATŞP) sentyabrın 27-dək pulsuz veriləcək. Tenderdə iştirak etmək üçün ATŞP-ni alan iddiaçılar öz təkliflərini Dövlət Neft Fonduna oktyabrın 26-sı saat 15:00-dək təqdim etməlidirlər.
Paketlərin açılışı oktyabrın 27-də Dövlət Neft Fondunun binasında keçiriləcək.
