"Bizim proqnoza görə, 2006-cı ildə Azərbaycanda və hər şeydən əvvəl ölkənin regionlarında sementə və betona tələbat artacaq".
Trend bildirir ki, bu barədə sement və beton işlərinin istehsal standartları və keyfiyyəti üzrə ikigünlük seminarda Garadagh Cement şirkətinin marketinq və satış üzrə direktoru Horia Adrian (Horia Adrian) bəyan edib.
"Hazırda Azərbaycanda əsasən betonun qurutma və möhkəmləndirilmə kimyəvi üsulu tətbiq edilir, amma beton istehsalında və beton işlərinin aparılmasında normalara riayət olunmur.Bununla keyfiyyətə ciddi nəzarət yalnız işin səmərəliliyini 15% artırmağa imkan verir.Bununla bağlı sement-beton işlərinin yeni Rusiya standartlarına keçməsi zəruridir" -deyə o bildirib.
Dövlət tikinti və memarlıq komitəsinin elmi-texniki normativlər şöbəsinin rəisi Bayram Əliyev bəyan edib ki, Dövlət komitəsinin və Dövlət metrologiya və standartlaşdırma agentliyinin birgə əmri ilə 2005-ci ildə MDB çərçivəsində işlənib-hazırlanmış DÜST 31108-2003 sement-beton işlərinin standartları tətbiq edilib.
"Standartlar 2003-cü ildə işlənib-hazırlanıb və Avropanın EN 197-1 2000 standartlarına tamamilə uyğundur.Xüsusilə bu standartlar betonun 28 gün ərzində quruması və 2 gün də onun möhkəmlənməsi üçün nəzərdə tutulur.Təcrübədə bu normalar heç də həmişə yerinə yetirilmir - ən yaxşı halda inşaatçılar bu məqsədə 12 günə çatır" -deyə B.Əliyev bildirib. Sementin kimyəvi qurudulması üçün Azərbaycana ildə 10 min plastifikator lazımdır.
Sika Yapi Kimyasallari idarə heyətinin sədri A.S. Murat Belen (Murat Belen) bildirib ki, şirkət betonun davamlılığının yüksəldilməsi və yaxşılaşdırılması üçün texnologiya təqdim etməyə hazırdır.Bu, Azərbaycana seysmik baxımdan təhlükəli zonada yerləşmə üçün vacibdir."Sika betonun mexaniki möhkəmlənməsi üçün maşınlar verməyə hazırdır.Bizdə sement-beton işlərinin keyfiyyətinin yüksəldilməsi üçün Garadagh Cement ilə birgə fəaliyyət planı vardır" -deyə M.Belen bildirib.
Sika şirkətinin nümayəndəsi Əli Raif Sağlam qeyd edib ki, şirkətin təklif etdiyi texnologiya 1m3 beton işinə $2-4-dək qənaət etməyə imkan verir.
Seminarın işi sentyabrın 22-də başa çatır.
Hazırda ölkədə sement defisiti 1 mln.ton olaraq qiymətləndirilir.Azərbaycanda həmin məhsulun yeganə istehsalçısı 2005-ci ildə məhsulu 1,35 mln. ton həcmində buraxır. İstehsalın həcmi gələn il təxminən həmin çərçivədə planlaşdırılıb.