Oktyabrın 12-də Moskvada keçiriləcək MDB İqtisadi Şurasının 25 iclasının gündəliyinə 16 məsələ daxildir. Bu barədə Trend ə Azərbaycanın Nazirlər Kabinetindən məlumat verilib.
Günlədiyə aşağıdakı məsələlər daxildir: MDB-də lizinq fəaliyyətinin genişləndirilməsi üçün səmərəli hüquqi, iqtisadi və təşkilati şəraitin yaradılması haqda razılaşma barədə, 2010-cu ilə qədər olan dövrdə milli istehsalçılar tərəfindən buraxılan rəqabət qabiliyyəti olan məhsulların MDB-nin daxili bazarında və 3-cü ölkənin bazarına yeridilməsi üzrə ortamüddətli tədbirlər kompleksinin layihəsi, Müstəqil Dövlətlər Birliyinə üzv olan dövlətlərin sərhədyanı əməkdaşlığı barədə konvensiyanın layihəsi barədə və s.
İclasın iştirakçılarına həmçinin MDB Hökumət başçıları Şurasının Qərarının yerinə yetirilməsinin gedişi barədə İnformasiya, 1996-cı il oktyabrın 18 oktyabrından MDB-yə üzv olan dövlətlərin dəmiryolu nəqliyyatında razılaşdırılmış tarif siyasəti və 2005-ci il üçün MDB üzvü olan dövlətlərin dəmir yollarının tarif siyasəti barədə Konsepsiya təqdim olunacaq.