Azərbaycanın Nəqliyyat Nazirliyi 2006-2015-ci illərdə Azərbaycan Respublikasında yoxsulluğun azaldılması və davamlı inkişaf dövlət proqramının hazırlanması çərçivəsində ölkə prezidentinin sərəncamının yerinə yetirilməsini başa çatdırıb. Bu barədə Trend ə Nazirlikdən məlumat verilib.
"Sənəd layihənin koordinatoru olan İqtisadi İnkişaf Nazirliyinə (İİN) təqdim olunub. Biz əsas etibarilə dövlət proqramının nəqliyyat hissəsini hazırlamışıq ki, burada nəqliyyat strukturlarının inkişafı, layihələr və s. öz əksini tapıb " - deyə Nazirlikdən bildirilib.
Prezidentin bu proqramın hazırlanması üçün təyin etdiyi müddət 3 aydır. Sərəncam cari ilin iyun ayında verilib.
On illik proqramın dəyəri əvvəllər Nazirlər Kabinetinin elan etdiyi 8 milyard dolları ötüb, lakin proqramın reallaşdırılması üçün tələb olunan vəsaitin dəqiq həcmi yalnız onun hazırlanmasından sonra məlum olacaq.
Qeyd edək ki, proqram müddəti 2005-ci ildə başa çatan yoxsulluğun azaldılması üzrə Dövlət Proqramını əvəz edir. Proqram on il nəzərdə tutulub və 2015-ci ilə kimi yoxsulluğun ikiqat azaldılmasını nəzərdə tutur.
