Noyabrın 4-də Əli-Bayramlıda Aqrolizinq ASC-nin ilk regional bazasının açılışı olacaq. Aqrolizinqdən Trend ə verilən mədumata görə, açılış mərasimində kənd təsərrüfatı naziri İsmət Abasov, Aqrolizinq ASC-nin rəhbəri Tariyel Rəsulov, müəssisənin şöbə müdirləri və digər şəxslər iştirak edəcəklər.
ASC-də bildirilib ki, bazaların ümumsi sayı 10-dur və belə obyektlərin Şəki, Şamaxı, Cəlilabad, Yevlax, Gəncə və Tovuzda da istismara verilməsi gözlənilir.
Kənd təsərrüfatı tekxnikası bu bazalar vasitəsilə və ya lizinq yolu ilə icarəyə veriləcək, bu istiqamətdə istehlakçılara texniki xidmət göstəriləcək, bundan başqa gübrənin alınması, saxlanılması və satışı da mümkün olacaq.
Hazırda Aqrolizinq ASC xətti ilə Azərbaycana 630-dan çox taxılyığan kombayn, traktor, mini texnika gətirilib və onların fermperlərə paylanmasına başlanılıb.
Fermerlər texnikanın ümumi dəyərinin 10%-ni ödəyərək texnika əldə edə bilərlər. Qalan məbləğ isə 5 il ərzində ödənilir. "Biz artıq texnikanı istismara vermişik və ilkin ödəniş 2006-cı ilin birinci rübündə həyata keçirilməlidir", - deyə ASC-də qeyd edilib.
