Noyabrın 29-da Bakıda "İdman Konsert Kompleksi"ndə "Türk inşaat və inşaat materialları" sərgisi keçiriləcək. Türkiyənin Bakıdakı səfirliyinin Ticarət müşavirliyindən Trend xəbər agentliyinə verilən məlumata görə, dekabrın 2-nə kimi davam edəcək sərgidə 75 şirkət iştirak edəcək. Sərgidə tikinti materialları, iş və qaynaq maşınları, generatorlar, hamam və mətbəx aksessuarları, dəmir məmulatları, qapı və pəncərələr, keramika, şüşə, mərmər, qranit, daş texnologiyaları və s. nümayiş olunacaq.
Qeyd edək ki, sərgi Türkiyənin "Expotim" şirkətinin təşkilatçılığı və Xarici ticarət idarəsinin dəstəyilə təşkil olunur.
