Respublika Məşğulluq Xidməti vasitəsilə təqribən 22 min işsiz işlə təmin edilib
Bu ilin 10 ayı ərzində Respublika Məşğulluq Xidməti təqribən 22 min işsizi işlə təmin edib. İdarədən Trend ə verilən məlumata görə, ümumilikdə hər il məşğulluq xidməti orqanları 20-25 min adamı işlə təmin edir. Son dövrlər rəsmi qeydiyyatdan keçmiş işsizlərin sayında çox cüzi artım var. Belə ki, əvvəlki illərdən fərqli olaraq məşğulluq xidməti orqanlarına mürajiət edənlərin sayı da getdikcə çoxalır. Bunun əsas səbəbi isə 2003-cü ilin oktyabrından indiyədək ölkədə 300 mindən çox yeni iş yerinin yaradılmasıdır. Yaradılan bu yeni iş yerlərinin 150 mindən çoxu daimi iş yerləridir. Bu ilin noyabr ayına olan məlumata görə, Respublika Məşğulluq Xidmətində 56 min 423 nəfər işsiz kimi qeydiyyatdan keçib. Anjaq elə işsizlər var ki, məşğulluq xidmətinin mövcdluğu barədə xəbərsizdir. Ona görə də rəsmi rəqəmlər reallığı tam əks etdirmir.
