...

Dövlət Gömrük Komitəsinin nümayəndə heyəti Koreyada "Ticarətin sadələşdirilməsi və elektron idarəetmə" adlı seminarda iştirak edəcək

Biznes və iqtisadiyyat xəbərləri Materials 3 Dekabr 2005 12:24 (UTC +04:00)

Dövlət Gömrük Komitəsinin sədr müavini Rza Həsənəliyevin rəhbərlik etdiyi nümayəndə heyəti Koreyada "Ticarətin sadələşdirilməsi və elektron idarəetmə" adlı seminarda iştirak edəcək. Komitədən Trend ə verilən məlumata görə, seminar dekabrın 5-dən 8-nə kimi Seul və Daejon şəhərlərində keçiriləcək.

Tədbir Asiya İnkişaf Bankının dəstəyilə Koreyanın İnformasiya və Rabitə Nazirliyi, Vergi və Gömrük xidməti tərəfindən təşkil olunacaq.

Seminarda ticarətin sadələşdirilməsinin inkişafı məqsədilə elektron idarəetmənin tətbiqi, vergi və gömrük orqanlarında ictimai xidmətlərin şəffaflığı və effektivliyi məsələləri müzakirə olunacaq.

"Bununla yanaşı, tədbir çərçivəsində gömrük avtomatlaşdırma sistemi, vergi sisteminin texniki təchizatı və modernləşdirilməsi üzrə Mərkəzi Asiya regionuna daxil olan ölkələrin təcrübə mübadiləsi gözlənilir", - deyə komitədə bildirilib.

Xəbər lenti

Xəbər lenti