Aqrolizinq ASC aqrokimyəvi maddələrin (gübrə) sığortası üzrə tender elan edib. Trend in xəbər verdiyi kimi, tenderdə maraqlı olan şirkətlər 16 dekabr 2005-i il tarixinə kimi 500 min manat həcmində pul köçürməli və qeydiyyatdan keçməlidir.
Şirkətə tender təklifləri 2005-ci il dekabrın 20-nə kimi təqdim olunmalıdır.
Təkliflər paketi dekabrın 21-də müəssisədə açılacaq.
Bu, müəssisə tərəfindən sığorta üzrə elan edilmiş ikinci tenderdir. Birinci tender cari ilin avqustunda müəssisənin maddi-texniki bazasını təmin etmək üçün alınmış texnikanın sığortası üzrə keçirilmişdi. Tenderdə iştirak etmiş Alfa Insurance, Standart Insurance və Atasigorta sığorta şirkətləri arasında qalib Alfa Insurance olub.
