"Azərboru" SC (Sumqayıt boru prokatı zavodu) tərəfindən özəlləndirilən Targol Investment elektrik enerjisi şirkətindəki bir sıra problemlər üzündən 2005-ci ildə şirkət poladtökmə kompleksinin yaradılması üzrə planları reallaşdıra bilməyib. "Azərboru"nun baş direktoru Əzim Əzimovun Trend ə verdiyi məlumata görə, istehsalın təşkili üçün hər il 86 MVt elektrik enerjisi tələb olunur.
Lakin Ə.Əzimovun sözlərinə görə, gücü 506 MVt olan Sumqayıt elektrik stansiyasının tikintisinin başlaması ilə əlaqədar olaraq iki il ərzində poladtökmə zavodunda polad istehsalına başlamaq mümkündür. Bundan başqa, səhmdarın planlarına əvvəllər nəzərdə tutulduğu kimi ildə 350 min ton polad istehsal edən 50-60 tonluq sobaların deyil, illik istehsalı 500 min- 1 mln ton polada qədər çatdırmağa imkan verən sobaların quraşdırılması da daxildir.
Bununla əlaqədar, belə poladtökmə istehsalını nəzərdə tutan investisiyaların həcmi səhmdarın nəzərdə tutduğu kimi zavodun bütünlükdə yenidən qurulması üçün və polad istehsalının təşkili üçün 50 milyon dollar deyil, daha çox artırılması lazımdır. İndiyə kimi investisiyalar boru istehsalının genişləndirilməsi və yardımçı avadanlığın bərpasına qoyulub.
