Azərbaycanın Nəqliyyat Nazirliyi küçələrdə və prospektlərdə tıxacların yaratdığı çətinlikləri həll etmək məqsədilə Bakıda yeni körpülərin layihələşdirilməsində Rusiyanın təcrübəsindən istifadə etmək niyyətindədir. Bu barədə Trend ə Nazirlikdən məlumat verilib.
Hazırda Nazirliyin mütəxəssisləri buü məsələ ilə bağlı informasiya toplayırlar. Layihələrin hazırlanması üçün Rusiyadan mütəxəssislərin cəlb edilməsi də nəzərdə tutulur.
Yeni körpülərin tikilməsi üçün layihələrin hazırlanması məqsədilə Azərbaycanın dövlət büdcəsindən 2 mlrd manat vəsait ayrılıb. Azadlıq prospektində və Əzizbəyov dairəsində hazırlıq işləri aparılır. Hazırlıq işləri başa çağdıqdan sonra konsultantın müəyyən edilməsi üçün tender elan ediləcək.
Ölkənin Nazirlər Kabineti tıxacların ləğv olunması məqsədilə tədbirlər planı hazırlayır. Yaxın vaxtlarda sənəd ölkə prezidentinin İcra Aparatına təqdim ediləcək.
