...

ADDY və RDY Gürcüstan vaqonunun Bakı-Moskva qatarına qoşulması barədə razılıq əldə edib

Biznes və iqtisadiyyat xəbərləri Materials 11 Yanvar 2006 18:48 (UTC +04:00)

Azərbaycan Dövlət dəmir yolu idarəsi (ADDY) və "Rusiya Dəmir Yolu" SC Gürcüstanın sərnişin vaqonunun Bakı-Moskva marşrutu ilə hərəkət edən qatara qoşulması barədə razılıq əldə edib. Bu barədə Trend ə ADDY-də bildirilib.

Gürcüstanın dəmir yolu idarəsi ADDY-yə 3 vaqonun (2 sərnişin və 1 yük) Bakı-Moskva sərnişin qatarına qoşulması xahişi ilə müraciət edib.

"Amma hazırda bizdə Bakı-Moskva marşrutu ilə 19 vaqondan ibarət qatar hərəkət edir və buraya sərnişin və yük vaqonları, habelə restoran daxildir. Buna görə də biz həftədə bir dəfə bizim yük vaqonunun əvəzinə Gürcüstanın sərnişin vaqonlarından birinin qatara qoşulması barədə qərar qəbul etmişik. Ona görə ki, biz vaqonların sayını göstərilən rəqəmdən artıq edə bilmərik" -deyə ADDY nümayəndəsi bildirib.

Hazırda ADDY Bakı-Moskva marşrutu ilə həftədə 3 reys həyata keçirir. "Biz Gürcüstan tərəfini qərar barədə xəbərdar etmişik və cavab gözləyirik" -deyə ADDY nümayəndəsi bildirib.

Xəbər lenti

Xəbər lenti