Bakıda McDonalds-ın üçüncü restoranı açılacaq. Bu barədə Trend ə McDonalds-dan məlumat verilib.
"Hazırda restoranın yerləşəcəyi binada bəzək işləri aparılır və dizaner tərtibatı verilir", - deyə şirkətdən bildiriblər.
Restoranın rəsmi açılışı mart ayına planlaşdırılıb. Onun istismara veriləcəyi dəqiq tarix isə hələ müəyyən edilməyib. Yeni restoran "N.Nərimanov adına" metro stansiyasının yaxınlığında yerləşəcək.
İlk McDonalds restoranı 1999-cu ildə açılıb, ikincisi isə 2002-ci ildən fəaliyyət göstərir.
McDonalds-dan həmçinin, bildirilib ki, hər iki restoranın işçilərinin ümumi sayı 100 nəfərdən artıqdır. Yeni - üçüncü restoranda işçilərin sayı təxminən 50 nəfər təşkil edəcək.