Azərbaycan hökuməti ölkədə yoxsulluğun azalması üzrə kredit yardımının (PRSC) davam etdirilməsindən imtina edib. Bu barədə Trend ə maliyyə naziri Əvəz Ələkbərov məlumat verib. Onun sözlərinə görə, birinci tranş gələn həftə alınacaq. Texniki məsələləri həll etmsək qalır ki, bununla əlaqədar dünən müvafiq sənəd imzalanıb. Bu vəsait 2006-cı ilin büdcə kəsirinin yerinin doldurulması üçün nəzərdə tutulub.
Ə.Ələkbərov hesab edir ki, amma 2007-ci ildə büdcə kəsirinin yerinin doldurulması üçün xarici mənbələrdən biri kimi istifadə olunan bu kredit ehtiyatlarına ehtiyac yoxdur.
Beləliklə, Azərbaycan PRSC -dən 2005-ci il mayın 17-də bankın Direktorlar Şurasının təsdiqlədiyi 20 mln dollar məbləğində yalnız bir kredit tranşı alacaq. Ölkə prezidenti 2005-ci il dekabrın 15- də DB ilə Azərbaycan hökuməti arasında kredit razılaşmasını təsdiqləyib.
PRSC -nin ümumi dəyəri $60 mln. təşkil edir. Kredit vəsaiti Beynəlxalq İnkişaf Assosiasiyasının şərtləri əsasında ayrılır. Bu güzəştli kredit 10 illik ödəniş möhləti ilə illik 0,75% dərəcə ilə 35 illiyə təqdim olunur.
PRSC -2 üzrə Azərbaycan hökuməti ilə Dünya Bankı arasında danışıqlar hələ ötən il başlayıb. Lakin bankın missiyasının bu ilki səfəri zamanı DB öleənin bu layihənin gələcək tranşlarından imtina etdiyi barədə məlumatlandırılıb. Danışıqlarda DB-nın maraqlarını bankın Avropa və Mərkəzi Asiya regionu üzrə baş iqtisadçısı Kris¬tian Pi¬ter¬sen təmsil edir.
