2006-cı ilin yanvar-fevral aylarında Bakı Fond Birjasının (BFB) ümumi dövriyyəsi 100 499 209,22 AZN təşkil edib. Ötən ilin analoji dövrü ilə müqayisədə bu göstərici 25 430 437,46 AZN səviyyəsində idi. Bu barədə Trend ə birjadan məlumat verilib. İki ay ərzində BVF ümumi dövriyyəsi ötən ilin analoji göstəricilərini 3,95 dəfə ötüb.
Bu dövr ərzində Milli Bankda notların yerləşdirilməsinin həcmi 68 618 098,58 AZN təşkil edib. Bazarda notlar üzrə ikinci dövriyyə 5 315 094,82 AZN. Ötən ilin 2 ayı ərzində notların yerləşdirilməsinin ümumi həcmi 19 845 435,48 AZN, bu vasitə üzrə ikinic bazarda isə 803 133,60 AZN təşkil edir. Maliyyə Nazirliyi tərəfindən dövlət qısamüddətli istiqrazların yerləşdirilməsi 13 048 276,36 AZN təşkil edib ki, ötən ilin bu ayları üzrə əməliyyat keçirilməyib. 2006-cı ilin yanvar-fevral aylarında ikinci bazarda dövriyyə 1 701 228,08 AZN təşkil edib.
Aksiyaların yerləşdirilməsinin həcmi 1 575 340 AZN təşkil edib. 2005-ci ilin yanvar-fevral aylarında 1 856 711 AZN səhm yerləşdirilib. Nəzərdən keçirilən dövrdə səhmlərin ikinci bazarında alqı-satqının həcmi 1 350 431 AZN təşkil edib ki, ötən ilin iki ayı ərzində bu 598 960,96 AZN olmuşdu.
Bu dövrdə korporativ istiqrazların yerləşdirilməsi 96 562,11 AZN təşkil edib ki, 2005-ci ilin yanvar-fevral aylarında yerləşdirmələr olmayıb. Bu seqmentdə ikinci bazarda ticarətin həcmi 385 388,95 AZN təşkil edib ki, ötən ilin iki ayı ərzində bu göstərici 337 411,03 AZN səviyyəsində olub.